नेपालको निर्वाचन आयोग (Election Commission) को वेबसाइटमा एक समूहले साइबर आक्रमण गरेको दाबी गरेको छ। आफूलाई ‘नेपाल फर नेपाली’ भनि चिनाउने उक्त समूहले वेबसाइटमाथि नियन्त्रण कायम गरेर ६०० भन्दा बढी अत्यावश्यक डेटा मेटेको र अन्तरिम सरकार समक्ष सात बुँदे माग सार्वजनिक गरेको दाबी गरेको छ।
मुख्य मागहरू:
समूहले प्रदर्शन गरेको सन्देशमा समावेश गरिएका मुख्य मागहरू निम्न रहेका छन्:
-
भदौ २३ को झडपमा मारिएका व्यक्तिहरूलाई शहीद घोषणा गरिनुपर्ने।
-
उक्त घटनाका लागि जिम्मेवार व्यक्तिहरूको पहिचान गरी कारबाही गरिनुपर्ने।
-
भदौ २४ मा सरकारी संरचनाहरू जलाउने कार्यमा संलग्न व्यक्तिहरूलाई कारबाही गरिनुपर्ने।
-
नेपाललाई किरात बौद्ध सनातन राष्ट्र घोषणा गरिनुपर्ने।
-
संविधान पुनर्लेखन गरिनुपर्ने।
क्षतिको अवस्था
आक्रमणकारी समूहले निर्वाचन सम्बन्धी महत्त्वपूर्ण डेटा मेटाइएको दाबी गरे पनि आयोगका अधिकारीहरूले भने क्षतिको पूर्ण विवरणबारे अध्ययन भइरहेको बताएका छन्।
समूहले आफ्नो सन्देशमा आफूलाई “नेपालको भविष्यको सुरक्षाका लागि प्रतिबद्ध एक अनुसन्धान तथा विश्लेषणात्मक संस्था” को रूपमा व्याख्या गरेको छ। यस घटनाले देशको संवेदनशील सूचना प्रविधि प्रणाली र साइबर सुरक्षा (Cyber Security) माथि गम्भीर प्रश्न खडा गरेको छ।
By
By
By
