देशमा आएको प्रत्येक उपलब्धिलाई बाह्य छायाको रूपमा हेर्न हुँदैन

देशमा आएको प्रत्येक उपलब्धिलाई बाह्य छायाको रूपमा हेर्न हुँदैन – माधवकुमार नेपाल

By YOUTV

४ वर्ष अगाडि

Comments: 0

काठमाडौं । मंसिर १५ गते
देशमा आएको प्रत्येक उपलब्धिलाई बाह्य छायाको रूपमा हेर्न नहुने नेपाल कम्युनिष्ट पार्टी (एकीकृत समाजवादी)का अध्यक्ष माधवकुमार नेपालले बताउनु भएको छ । नेकपा (एमाले)का महासचिव सीपी मैनालीप्रति लक्षित गर्दै उहाँले उक्त कुरा बताउनु भएको हो ।

आज काठमाडौंमा राप्रपाको एकता महाधिवेशनको उद्घाटन समारोहमा शुभकामना सन्देश दिँदै उहाँले परिवर्तनको मूल कारक आन्तरिक हुने भएकाले बाह्य ठानिए गम्भीर गल्ती मान्नुपर्ने बताउनु भएको छ ।
र्यक्रममा यसअघि बोल्दै मैनालीले परिवर्तनको नाममा देशमा विदेशी हस्तक्षेप बढेको आरोप लगाउनु भएको थियो ।

संविधान निर्माण र संघीयताका लागि यहाँका दलहरूले अहं भूमिका खेलेको भन्दै यसलाई बाह्य शक्तिले दिएको भन्नु गम्भीर गल्ती हुने बताउनु भएको छ । नेता नेपालले नेपाली राजनीतिमा तीनवटा ‘ब्रान्ड’ बनेको बताउनु भउको छ । जसमा राष्ट्रियताको ब्रान्ड पहिलो रहेको उहाँको भनाइ छ । यस्तै, लोकतन्त्र र प्रजातन्त्रको अर्को ब्रान्ड भएको उनको तर्क छ । उनले सामाजिक परिवर्तन र न्याय तथा समानता तेस्रो ब्रान्ड भएको धारणा व्यक्त गर्नु भएको छ ।