८ मन्त्रालयको बजेट छलफलमा ३ मन्त्री मात्र संसद् १५ मिनेट स्थगित !

सम्बन्धित मन्त्रीहरू उपस्थित नभएपछि प्रतिनिधि सभाको बैठक १५ मिनेटका लागि स्थगित भएको छ। विनियोजन विधेयक, २०८३ अन्तर्गत विभिन्न मन्त्रालयको बजेट शीर्षकमाथि छलफल चलिरहँदा मन्त्रीहरू अनुपस्थित थिए।
सांसद गोपाल शर्माले संसद् नियमावलीअनुसार मन्त्रीहरूको उपस्थितिलाई लिएर आपत्ति जनाएपछि सभामुख डिपी अर्यालले बैठक स्थगित गरेका हुन्। शर्माले सम्बन्धित मन्त्रीबिना छलफल हुन नसक्ने र यसले संसद्को अपमान गरेको दाबी गरे। प्रधानमन्त्री कार्यालय, राष्ट्रपति तथा उपराष्ट्रपतिको कार्यालयसहित ८ मन्त्रालयको बजेटमा छलफल भइरहँदा बैठकमा ३ जना मात्र मन्त्री उपस्थित थिए।