वीरगंज महानगरपालिका अन्तर्गत स्वास्थ्य तथा सामाजिक विकास महाशाखा, जनस्वास्थ्य प्रवर्द्धन शाखा, वीरगंज स्वास्थ्य चौकी (वडा नम्बर १४, पर्सा) का स्वास्थ्य प्रमुख सचिदानन्द प्रसाद जसवालमाथि कार्यालय समयको अवहेलना र हाजिरी दुरुपयोगको आरोप लागेको छ।
स्थानीय जनप्रतिनिधिहरूका अनुसार जसवाल कार्यालय समयमा अनियमित रूपमा उपस्थित हुन्छन्। आज बिहान ११:२५ बजे कार्यालय पुगेका जनप्रतिनिधिहरूले उनलाई अनुपस्थित पाएपछि हाजिरी रजिस्टरमा नाम नभएको देखाएका थिए। तर, पछि रजिस्टरमा टिपेक्स प्रयोग गरी हाजिरी बनाएको पाइएको छ।
जनप्रतिनिधिहरूले यस घटनालाई स्थानीय सरकारको नियमको उल्लङ्घन भएको भन्दै आलोचना गरेका छन्। उनीहरूले सरकारी पदमा रहेर कार्यालय समयमा अनियमितता र कागजातमा हेरफेर गर्नु गम्भीर विषय भएको बताएका छन्। यस सम्बन्धमा थप अनुसन्धानको माग गरिएको छ।
By
By
