काठमाडौं –समाजसेवी रक्तदाता लायन्स मित्रहरुलाई सम्मान गर्दै लायन्स डिष्ट्रिक ३२५ पी, नेपालले आगामी २८ भाद्र २०८२ (१३ सेप्टेम्बर २०२५) मा “बृहत रक्तदान अभियान” गर्ने भएको छ।
सेप्टेम्बर महिनामा गरिएको योगदानको प्रशंसा गर्दै डिष्ट्रिकले भनेको छ– “चाडपर्व नजिकिँदै गर्दा र पछिल्लो देशको घटनाक्रमका कारण घाइते तथा बिरामीलाई तत्काल रगतको आवश्यकता बढेको छ। कुनै पनि बिरामीले उपचारमा रगतको अभाव झेल्न नपरोस् भन्ने हाम्रो मुख्य उद्देश्य हो।”
त्रि.वि. लायन्स रक्तसञ्चार तथा अनुसन्धान केन्द्रको आव्हानलाई समर्थन गर्दै सबै सदस्य तथा शुभेच्छुकलाई रक्तदानमा सहभागी हुन आह्वान गरिएको छ। हालैको Gen Z आन्दोलनको क्रममा समेत अस्पतालमा भर्ना भएका घाइतेलाई पहिलो आवश्यकता रगत नै भएकाले यस अभियानलाई अझ महत्वपूर्ण मानिएको छ।
लायन्स डिष्ट्रिक ३२५ पी, नेपालले विश्वास व्यक्त गरेको छ– सबैको सहभागिताले यो अभियान सफल भई जीवनरक्षामा ठुलो योगदान दिनेछ।
By
By
