काठमाडौँमा जेनजी आन्दोलनका १६९ घाइतेको वर्गीकरण सम्पन्न: १५ जना अतिगम्भीर
By anjana soni
५ महिना अगाडि
Comments: 0
काठमाडौँ – गत भदौ २३ र २४ गते भएको जेनजी प्रदर्शनका क्रममा काठमाडौँमा घाइते भएकाहरूको जिल्ला प्रशासन कार्यालय (जिप्रका) ले वर्गीकरण सम्पन्न गरेको छ। आजसम्म प्राप्त विवरण अनुसार कूल १६९ जना घाइतेको वर्गीकरण गरिएको जिप्रका काठमाडौँले जनाएको छ।
जिल्ला प्रशासन कार्यालय काठमाडौँका सहायक प्रमुख जिल्ला अधिकारी एवं सहायक प्रवक्ता मुक्तिराम रिजालका अनुसार घाइतेहरूको वर्गीकरण दुई चरणमा गरी चार समूहमा विभाजन गरिएको हो:
अतिगम्भीर घाइते: १५ जना
गम्भीर घाइते: ५१ जना
मध्यम घाइते: ३६ जना
सामान्य घाइते: ६७ जना
रिजालले वर्गीकरणको काम यही मङ्सिर ५ गते र १२ गते दुई चरणमा छलफल गरी सम्पन्न गरिएको जानकारी दिनुभयो।
अशक्तहरूको हकमा: उपचाररत अस्पतालमै गएर टोलीले वर्गीकरण गरेको।
प्रशासन कार्यालयमा आउन नसक्नेलाई: एम्बुलेन्समार्फत ल्याएर वर्गीकरण गरिएको।
प्रमुख जिल्ला अधिकारी (प्रजिअ) को संयोजकत्वमा रहेको वर्गीकरण सहजीकरण समितिले जेनजी प्रदर्शनका क्रममा घाइते भएकाहरूको वर्गीकरणसम्बन्धी कार्यविधि, २०८२ का आधारमा हालसम्म १६९ जनाको वर्गीकरण गरेको हो।
जिप्रका काठमाडौँले उक्त वर्गीकरण सम्पन्न गरी स्वास्थ्य तथा जनसङ्ख्या मन्त्रालयलाई सिफारिस पठाउने जनाएको छ। सोही सिफारिसका आधारमा मन्त्रालयले निर्णय गरी घाइतेहरूको सूची अनुसार आवश्यक सेवा सुविधा र सामाजिक सुरक्षाको व्यवस्था मिलाउनेछ।
जेनजी प्रर्दशनका लागि सुरुमा प्रशासन कार्यालयले ३१५ जनालाई अनुमतिपत्र उपलब्ध गराएको थियो।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
