उपत्यका प्रहरी प्रमुखको जिम्मेवारी अब प्रहरी अतिरिक्त महानिरीक्षक (एआईजी) दानबहादुर कार्की
By YOUTV Nepal
७ महिना अगाडि
Comments: 0
काठमाडौं – काठमाडौं उपत्यका प्रहरी प्रमुखको जिम्मेवारी अब प्रहरी अतिरिक्त महानिरीक्षक (एआईजी) दानबहादुर कार्कीले सम्हाल्ने भएका छन्। भदौ १८ गते एआईजी टेकबहादुर तामाङ अवकाश भएपछि यो पद खाली भएको थियो।
जेनजी प्रदर्शनलाई ध्यानमा राख्दै आजबाटै एआईजी कार्कीलाई उपत्यका प्रहरी प्रमुखको रूपमा नियुक्त गरिएको उपत्यका प्रहरी कार्यालयका प्रवक्ता शेखर खनालले जानकारी दिए। उनका अनुसार बिहानैदेखि प्रदर्शनकारी भेला हुन थालेका कारण प्रहरी बल पनि बिहानैदेखि परिचालन गरिएको छ।
प्रहरी प्रमुखको पद खाली भएको कारणले हिजोको जेनजी प्रदर्शनमा १९ जनाले ज्यान गुमाउनुपरेको पनि बताइएको छ। यसअघि अस्थायी रूपमा डीआईजी ओम रानाले प्रमुखको जिम्मेवारी सम्हालेका थिए। तर अब उनलाई हटाएर एआईजी कार्कीलाई औपचारिक रूपमा कमाण्ड दिइएको हो।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
