२०७९ को तुलनामा २०८२ को निर्वाचन शान्तिपूर्ण, सुरक्षा व्यवस्थापनमा नेपाल प्रहरी को उल्लेखनीय भूमिका
By YOUTV Nepal
२ महिना अगाडि
Comments: 0
काठमाडौं । २०७९ सालको निर्वाचनको तुलनामा २०८२ सालको निर्वाचन वातावरण यसपटक धेरै शान्तिपूर्ण देखिएको छ। देशभर मतदानका क्रममा कुनै ठूलो अप्रिय घटना नघट्नुले सुरक्षा व्यवस्थापन प्रभावकारी भएको देखिएको छ।
निर्वाचन अवधिभर शान्ति र सुरक्षालाई प्राथमिकता दिँदै नेपाल प्रहरी ले विशेष सुरक्षा योजना लागू गरेको थियो। मतदान केन्द्रदेखि मतगणना स्थलसम्म कडा निगरानी राखिएको कारण सर्वसाधारण मतदाताले ढुक्कसँग आफ्नो मताधिकार प्रयोग गर्न सकेका छन्।
सुरक्षा निकायको सक्रिय उपस्थितिका कारण सम्भावित विवाद र अवाञ्छित गतिविधि धेरै हदसम्म नियन्त्रणमा आएको सुरक्षा अधिकारीहरूले बताएका छन्। २०७९ को निर्वाचनमा देखिएका केही तनावपूर्ण अवस्थाको तुलनामा यसपटक वातावरण निकै सहज र व्यवस्थित बनेको जनाइएको छ।
यसैबीच, मतदाताहरूले पनि संयमता अपनाउँदै शान्तिपूर्ण रूपमा मतदान प्रक्रियामा सहभागिता जनाएका छन्। समग्रमा २०८२ को निर्वाचनलाई शान्तिपूर्ण र व्यवस्थित रूपमा सम्पन्न गराउन सुरक्षा निकायको भूमिका महत्वपूर्ण रहेको बताइएको छ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
