विश्वकप २०२६: छनोटको गति, फ्रान्सले पक्का गर्‍यो स्थान

आगामी फिफा विश्वकप २०२६ मा अहिलेसम्म २९ टोलीले आफ्नो स्थान सुनिश्चित गरिसकेका छन्। युरोपियन छनोट समूह ‘डी’ मा फ्रान्सले युक्रेनलाई ४-० ले हराउँदै विश्वकपमा आफ्नो स्थान पक्का गर्‍यो। एमबाप्पेले दुई गोल गरे भने ओलिस र एकिटिकेले एक-एक गोल थपेका थिए।

अहिलेसम्म छनोट भएका टोलीहरू:

• एसिया: अष्ट्रेलिया, इरान, जापान, जोर्डन, दक्षिण कोरिया, उज्बेकिस्तान, कतार, साउदी अरेबिया

• अफ्रिका: मोरक्को, ट्युनिसिया, इजिप्ट, अल्जेरिया, घाना, केप भर्डे, दक्षिण अफ्रिका, आइभरी कोस्ट, सेनेगल

• दक्षिण अमेरिका: अर्जेन्टिना, ब्राजिल, कोलम्बिया, इक्वेडर, पाराग्वे, उरुग्वे

• युरोप: इंग्ल्यान्ड, फ्रान्स

• ओसिनिया: न्युजिल्याण्ड

• उत्तर अमेरिका (आयोजक): क्यानडा, मेक्सिको, संयुक्त राज्य अमेरिका

४८ टोलीको प्रतियोगिता तीन देशका १६ शहरमा आयोजना हुनेछ।