विवेक खातीवडा नेपालका एक चर्चित कार्यक्रम प्रस्तोता तथा समाजसेवी हुन्। सञ्चार क्षेत्रमा करिब दुई दशकको अनुभव बोकेका खातीवडाले आधा दर्जनभन्दा बढी मिडियामा आफ्नो प्रस्तुतीकरण कौशल देखाइसकेका छन्। उनी हाल केन्द्रीय बिन्दु मिडियासँग सहकार्य गर्दै अनौपचारिक कार्यक्रम सञ्चालन गरिरहेका छन्, जुन दिनप्रतिदिन लोकप्रिय बन्दै गएको छ।
मिडियामा लामो समयदेखि सक्रिय खातीवडा केवल एक प्रस्तोता मात्र होइनन्, उनी समाज सेवामा पनि अग्रसर छन्। सरल, शिष्ट र सौम्य व्यवहारका कारण उनी सञ्चारकर्मीहरू माझ मात्र होइन, समाजका विभिन्न वर्गका मानिसहरूमाझ पनि सम्मानित नामका रूपमा चिनिन्छन्। प्रस्तुतिकरणको उत्कृष्ट शैली, सुन्दर वाक्य विन्यास, र प्रभावशाली अभिव्यक्तिले उनलाई अन्य कार्यक्रम प्रस्तोताहरूभन्दा फरक बनाएको छ।
समाजसेवाको क्षेत्रमा समेत विशेष योगदान दिएका खातीवडा विभिन्न सामाजिक कार्यहरूमा संलग्न छन्। उनी विशेष गरी युवाहरूलाई प्रेरित गर्ने, सकारात्मक सन्देश प्रवाह गर्ने र समाजमा जागरुकता फैलाउने कार्यमा क्रियाशील छन्। सञ्चार क्षेत्रसँगै समाजसेवा पनि उत्तिकै महत्त्वपूर्ण मान्ने उनको दृष्टिकोणले उनलाई नेपालका सम्मानित व्यक्तित्वहरू मध्ये एक बनाएको छ।
By
By
