पत्रकार चौरसिया माथि आक्रमण गर्ने कुशवाहा विरुद्ध प्रहरी कार्यालयमा अभद्र व्यवहारको मुद्दा
By YOUTV
३ वर्ष अगाडि
Comments: 0
पत्रकार चौरसिया माथि आक्रमण गर्ने कुशवाहा विरुद्ध प्रहरी कार्यालयमा अभद्र व्यवहारको मुद्दा
वीरगंज २८ फागुन ।
काठमाडौंबाट सञ्चालन हुने मिर्मिरे अनलाईन डटकमका पर्सा सहकर्मी दिपक चौरसियाले आफु माथि भएको आक्रमणको विरुद्धमा जय प्रकाश कुशवाहा उपर जिल्ला प्रहरी कार्यालय पर्सामा आईतवार अभद्र व्यवहारको जाहेरी दिएका छन् ।
जाहेरीमा गत २१ गते राती करिब १० बजेको समयमा उनको घर अगाडि जय प्रकाश कुशवाहा लगायतकाले आक्रमण गर्ने प्रयास गरी बेईज्जत हुने गरी आमाचकाली गाली गर्दा प्रहरीको टोली पुगी चौरसियालाई बचाउन सफल भएको उल्लेख छ । कुशवाहाले पत्रकार चौरसियाको मोबाईलमा फोन गरी धम्की दिएको अडियो रेकर्ड र अभद्र व्यवहार गरेको भिडियो फुटेज प्रमाणको रुपमा आफु संग सुरक्षित रहेको चौरसियाले बताए ।
कुशवाहा विरुद्ध जिल्ला प्रहरी कार्यालय पर्सामा अभद्र व्यवहारको मुद्दा परे पनि हालसम्म पर्सा प्रहरीले पक्राउ गर्न नसकेको प्रति समाजवादी प्रेस संगठन नेपाल मधेश प्रदेश समितिले आईतवार एक प्रेस विज्ञप्ती जारी गर्दै गम्भिर ध्यानाकर्षण भएको जनाएको छ । चौरसिया संगठन पर्साका कार्य समिति सदस्य हुन् ।
सो विज्ञप्तिमा आन्तरिक राजस्व कार्यालय पर्साको समाचारको विषयलाई लिएर कुशवाहाले फोनबाट धम्की दिई केही मान्छेलाई लिएर घरमै गई आक्रमणको प्रयास गर्नु निन्दनिय भएको उल्लेख छ । कुनै पनि सञ्चारमाध्यममा प्रकाशित÷प्रशारित समाचार प्रति चित्त नबुझे कानुनी रुपमा जान सक्ने प्रावधान हुंदा हुंदै पनि पत्रकार माथि आक्रमण गर्नु भनेको प्रेस स्वतन्त्रता माथिको आक्रमण हो भन्ने संगठनको ठहर रहेको जनाईएको छ ।
संगठनका अध्यक्ष प्रविण साहले जारी गर्नु भएको सो विज्ञप्तिमा कुशवाहाले गरेका अभद्र व्यवहारको घोर निन्दा गर्दै उनलाई कानुनी दायरामा ल्याउन सम्बन्धित पक्ष संग जोडदार रुपमा माग गरिएको छ ।
जिवनशैली, ताजा समाचार, देश, बागमती प्रदेश, लोकप्रिय
निश्ची अचार: सानो प्रयासबाट राष्ट्रिय पहिचान १ वर्ष अगाडि
