वीरगंज – हालै फैलिएको हैजा (Cholera) संक्रमण र GenZ आन्दोलन/प्रदर्शनका कारण विद्यालयहरूको पठनपाठनमा व्यापक असर परेपछि नेशनल प्याब्सन (National PABSON) वीरगंज ले विशेष निर्णय सार्वजनिक गरेको छ।
नेशनल प्याब्सन वीरगंजका अध्यक्ष जियालाल गुप्ता का अनुसार, विद्यार्थीहरूको अध्ययनक्रम र शैक्षिक सत्रलाई जोगाउने उद्देश्यले शनिबार र सरकारले तोकेको सार्वजनिक बिदामा समेत कक्षा सञ्चालन गर्ने निर्णय गरिएको हो।
गुप्ताले जानकारी दिँदै भने, “आगामी असोज ३ गतेदेखि नियमित शनिबार र सरकारी बिदामा पनि विद्यालय खुला रहने छ, जसले प्रभावित कोर्स तथा पाठ्यक्रम समयमै पूरा गर्न मद्दत गर्नेछ।”
नेशनल प्याब्सनले अभिभावक, शिक्षक, विद्यार्थी र सम्पूर्ण सरोकारवालाहरूलाई यस निर्णयलाई सफल पार्न सक्रिय सहकार्यका लागि आग्रह गरेको छ।
By
By
By
