काठमाडौं, 2081 माघ 28 – हिमालयन कलेज, काठमाडौंमा “मानसिक स्वास्थ्य सचेतना कार्यक्रम” भव्य रूपमा सम्पन्न भएको छ। कार्यक्रममा मानसिक स्वास्थ्यसम्बन्धी विविध विषयहरू जस्तै मानसिक रोगहरू, तिनका लक्षणहरू, मानसिक स्वास्थ्यसम्बन्धी भ्रमहरू, तथा रोकथाम र व्यवस्थापनबारे चर्चा गरिएको थियो।
कार्यक्रममा प्रमुख अतिथिका रूपमा उद्धव कुमार गुप्ता, अध्यक्ष – यु टिभी नेपाल, परियोजना प्रबन्धक – गोल्छा अर्गनाइजेसन फ्युजन, संस्थापक अध्यक्ष – लायन्स क्लब अफ एक्सिलेन्स टिम काठमाडौं ३२५पी, तथा जसपा नेपालका माननीय प्रेस सल्लाहकार राजकिशोर यादव उपस्थित हुनुहुन्थ्यो।
विशेष अतिथिहरूमा चिन्तन बज्राचार्य, क्षेत्रीय अध्यक्ष – लायन्स क्लब इन्टरनेशनल जिल्ला ३२५एस नेपाल, प्रज्वल ढुंगाना, संस्थापक अध्यक्ष – लायन्स क्लब ललितपुर लिजेन्ड, तथा डा. पुजन पोखरेल (केएमसी) रहनुभएको थियो।
कार्यक्रमका अन्य सम्माननीय अतिथिहरूमा केमश सिंह तथा विभिन्न सामाजिक अभियन्ताहरूको उपस्थिति रहेको थियो।
युथ सर्भ फाउन्डेशनका पदाधिकारीहरू
अध्यक्ष: नकुल गुप्ता
सल्लाहकार: नरोत्तम पाण्डे, पियूष दारुका
उपाध्यक्ष: अंकित चौरसिया
सचिव: राहुल ठाकुर
कार्यक्रममा रामहरि सिरवाल, प्रधानाध्यापक – हिमालयन कलेज, लगायत अन्य प्रतिष्ठित व्यक्तित्वहरू उपस्थित हुनुहुन्थ्यो।
यस कार्यक्रमले युवाहरूमा मानसिक स्वास्थ्यप्रति सचेतना बढाउने उद्देश्य राखेको थियो। यस किसिमका सचेतनामूलक कार्यक्रमहरू निरन्तर रूपमा आयोजना गरिनुपर्नेमा आयोजकहरूले जोड दिएका छन्।
By
By
