अर्थतन्त्रमा सुधार: शोधनान्तर २ खर्ब ६४ अर्ब बचतमा, विदेशी मुद्रा सञ्चिति २९ खर्ब ७९ अर्ब पुग्यो!
काठमाडौँ — चालु आर्थिक वर्ष २०८२/८३ को पहिलो तीन महिना (साउनदेखि असोज) मा नेपालको शोधनान्तर स्थिति (Balance of Payments – BoP) मा उल्लेख्य सुधार आएको छ। नेपाल राष्ट्र बैंकले सार्वजनिक गरेको वित्तीय प्रतिवेदनअनुसार यस अवधिमा शोधनान्तर स्थिति २ खर्ब ६४ अर्ब ३ करोड रुपैयाँले बचत मा रहेको छ।
यो बचत गत आर्थिक वर्षको सोही अवधिको (१ खर्ब ८४ अर्ब ९९ करोड रुपैयाँ) भन्दा निकै बढी हो। अमेरिकी डलरमा शोधनान्तर स्थिति १ अर्ब ८८ करोड ले बचतमा देखिएको छ।
📈 विदेशी मुद्रा सञ्चितिमा कीर्तिमानी वृद्धि
शोधनान्तर स्थिति बचतमा जाँदा विदेशी मुद्रा सञ्चितिमा पनि सकारात्मक प्रभाव परेको छ।
-
कुल सञ्चिति: साउन-असोज मसान्तसम्म मुलुकको कुल विदेशी मुद्रा सञ्चिति २९ खर्ब ७९ अर्ब रुपैयाँ पुगेको छ।
-
वृद्धि दर: यो असार मसान्तसम्मको (२६ खर्ब ७७ अर्ब) सञ्चितिको तुलनामा ११.३ प्रतिशतले बढेको हो।
-
अमेरिकी डलरमा: डलरमा सञ्चिति ८.७ प्रतिशतले बढेर २१ अर्ब २१ करोड पुगेको छ।
महत्त्वपूर्ण सूचक: हालको विदेशी विनिमय सञ्चितिले अहिलेकै आयातलाई आधार मान्दा १९.९ महिनाको वस्तु र १६.४ महिनाको वस्तु तथा सेवा आयात धान्न पर्याप्त रहने राष्ट्र बैंकले जनाएको छ।
By
By
By
By
