निर्देशक सरोज पौडेलको कथा र निर्देशनमा बनेको चलचित्रले युवालाई स्वदेशमै अवसर खोज्न प्रेरित गर्ने सन्देश दिएको छ। वीरगंज उद्योग वाणिज्य संघका अध्यक्ष हरि प्रसाद गौतम, श्रीजंग गणका गणपति लोकेन्द्र कार्की, अनुसन्धान उपनिर्देशक सन्तोष ढुङ्गेल, शैक्षिक महाशाखा प्रमुख आनन्द लामिछाने, महिला उद्यमी गुड्डी जोशीसहितले चलचित्रले समाजको यथार्थलाई सजीव ढंगले प्रस्तुत गरेको बताए।

सुरक्षा पन्त, आर्यन सिग्देल, ऋचा शर्मा, स्नेहा जोशीलगायत कलाकारको अभिनय रहेको चलचित्रलाई कार्यकारी निर्माता दिनेश खड्काले देशव्यापी रूपमा दर्शकले मनपराएको जनाए। चलचित्र प्रचारका लागि कलाकार टोली नेपालगञ्जबाट देशव्यापी यात्रामा रहेको छ।

The post ‘कोशेढुङ्गा’को विशेष प्रदर्शनी वीरगंजमा सम्पन्न, दर्शकद्वारा सकारात्मक प्रतिक्रिया first appeared on You TV Nepal.

काठमाडौं – श्री माँ दुर्गा भवानी पूजा तथा हिन्दू संस्कृति परिषदले २०८२ सालको वार्षिक साधारण सभा, शुभकामना आदानप्रदान, वृहत बनभोज, र सम्मानपत्र वितरण कार्यक्रम गोकर्ण सहिदपार्कमा भव्य रूपमा सम्पन्न गरेको छ।

कार्यक्रममा प्रमुख अतिथिका रूपमा पूर्व वनमन्त्री माननीय शंकर भण्डारीको उपस्थिति रहेको थियो भने विशेष अतिथि पूर्व संविधानसभा सदस्य सरिता कुमारी यादव र मधेसी महिला समाजकी पूर्व संस्थापक अध्यक्ष शान्ति महतो समेत सहभागी थिए।

सो अवसरमा परिषदका संरक्षक, मानार्थ तथा आजीवन सदस्यहरू, सल्लाहकार समिति, विभिन्न उपसमितिका पदाधिकारी तथा सदस्यहरू, दुर्गा पूजा मूल समारोह समितिका पदाधिकारी र आमन्त्रित अतिथि उपस्थित थिए।

कार्यक्रमलाई भव्य र सफल बनाउन परिषदका पदाधिकारी तथा सदस्यहरूको सक्रिय सहभागीता रहेको थियो। उपस्थित सबैलाई सम्मानपत्र वितरण गरिएको थियो भने शुभकामना आदानप्रदानमार्फत नयाँ वर्ष २०८२ को शुभकामना साटासाट गरियो।
यस अवसरमा परिषदको नयाँ कार्यसमिति चयन गरियो, जसअनुसार परिषदको अध्यक्षमा सर्वसम्मत रूपमा श्री राम शोभित नायक चयन हुनुभएको छ भने बरिष्ठ उपाध्यक्षमा माननीय सरिता यादव निर्वाचित हुनुभयो।

कार्यसमितिको अन्य पदाधिकारीहरूमा बरिष्ठ उपाध्यक्षको रूपमा सविता नायक, बरिष्ठ नवलकिशोर यादव, राम नरेश यादव, र जितेन्द्र ठाकुर चयन भएका छन्। महासचिवमा दिलीप शाह, रमेेश साह सचिवमा प्रमेश साह, कोषाध्यक्षमा प्रवीण राय चयन भए। कार्यसमिति १५ सदस्यीय रहेको छ भने परिषदमा ५१ सदस्यीय कार्यसमिति निर्विरोध निर्वाचित भएको थियो। परिषदको सम्पूर्ण नेतृत्व सर्वसम्मत रूपमा निर्विरोध चयन भएको हो।‌

The post श्री माँ दुर्गा भवानी पूजा परिषदको वार्षिक साधारण सभा सम्पन्न, वनभोज र सम्मान कार्यक्रम भव्य first appeared on You TV Nepal.

नेपाली संगीत उद्योगमा नयाँ संभावना देखाउँदै, जापानमा बसोबास गर्ने राहुल शाही ठकुरी र संजु शाही ठकुरीको डेब्यु म्युजिक भिडियो ‘ढुक ढुकी’ हालै सार्वजनिक भएको छ। नेपाली चलचित्र तथा संगीत क्षेत्रमा रोमान्टिक गायनका लागि चर्चित सुमन केसी र रोजिना बस्नेतको स्वरमा सजिएको यो गीत दर्शकहरू माझ लोकप्रिय बन्दैछ।

यो गीत चर्चित संगीत निर्देशक सरोज पोखरेलले संगीतबद्ध गरेका छन्, जसले ‘नाइ नभन्नू ल’ तथा ‘चाहन्छु’ जस्ता करोडौं भ्युज प्राप्त गरेका हिट गीतहरू सिर्जना गरिसकेका छन्। भिडियोको निर्देशन नितिन चन्दले गरेका छन् भने छायांकन जापानको सुन्दर मियाजाकी क्षेत्रमा गरिएको छ, जसले दृश्यलाई थप आकर्षक बनाएको छ।

नयाँ जोडीको अभिनय र भविष्यको सम्भावना

राहुल र संजुको पहिलो पर्दा यात्रा भए पनि उनीहरूको अभिनय स्वाभाविक र प्रभावशाली देखिएको छ। भिडियोमा उनीहरूको केमेस्ट्री दर्शकहरूले निकै मन पराएका छन्। प्रेम र भावनात्मक क्षणहरूलाई उनीहरूले निकै उत्कृष्ट रूपमा अभिव्यक्त गरेका छन्, जसले उनीहरूको भविष्य नेपाली मनोरञ्जन उद्योगमा उज्ज्वल हुने संकेत गर्छ।

नेपाली मनोरञ्जन क्षेत्रमा प्रवासबाट योगदान

यो म्युजिक भिडियोले देखाएको अर्को महत्वपूर्ण पक्ष भनेको, विदेशमा रहेर पनि नेपाली मनोरञ्जन उद्योगमा योगदान दिन सकिन्छ भन्ने हो। जापानमा व्यवसाय सञ्चालन गर्दै आएका राहुल र संजुले आफ्नो व्यस्त जीवनशैलीका बावजुद नेपाली संगीतप्रति माया र समर्पण देखाएका छन्। सह-निर्देशकको भूमिकामा जापानकै कमल चन्द रहेका छन्, जसले भिडियो निर्माणमा थप सशक्त भूमिका खेलेका छन्।

दर्शकको प्रतिक्षा र सकारात्मक प्रतिक्रिया

भिडियो सार्वजनिक भएसँगै दर्शकहरूको राम्रो प्रतिक्रिया प्राप्त भइरहेको छ। भिडियोको उच्च उत्पादन स्तर, उत्कृष्ट अभिनय, र लोभलाग्दो दृश्यले दर्शकहरूलाई आकर्षित गरेको छ। दर्शकहरूले पहिलो प्रयासमै राहुल र संजुको अभिनयको तारिफ गरेका छन् र भविष्यमा उनीहरूलाई अन्य प्रोजेक्टहरूमा पनि हेर्न चाहेका छन्।

नयाँ प्रतिभालाई समर्थन गरौं!

नेपाली संगीत उद्योगमा नयाँ अनुहारहरूको प्रवेश हुनु सुखद संकेत हो। राहुल र संजुले देखाएको मेहनत र समर्पणले उनीहरूलाई भविष्यमा अझ धेरै अवसरहरू प्रदान गर्न सक्छ। ‘ढुक ढुकी’ हेर्नुहोस्, प्रतिक्रिया दिनुहोस्, र यो नयाँ जोडीलाई स्वागत गरौं!

भिडियो हेर्न नछुटाउनुहोस्!

नयाँ पोर्टलका लागि लेख परिमार्जन गरियो। कुनै थप परिमार्जन वा परिवर्तन आवश्यक छ भने भन्नुहोस्!

The post जापानमा बसोबास गर्ने राहुल र संजुको डेब्यु म्युजिक भिडियो ‘ढुक ढुकी’ सार्वजनिक first appeared on You TV Nepal.

कलेजका प्रिन्सिपल दिनेश दाहालका अनुसार, विद्यार्थीहरूको शैक्षिक उपलब्धिलाई प्रोत्साहन गर्नुका साथै उनीहरूलाई आफ्नो उद्देश्य हासिल गर्न निरन्तर प्रयासरत रहन उत्प्रेरित गर्न यो कार्यक्रम आयोजना गरिएको हो।

शैक्षिक नतिजासँगै अतिरिक्त क्रियाकलाप र खेलकुदमा पनि प्रदेश नं. १ मा अग्रणी स्थान बनाएको ग्रीनल्यान्ड कलेजले गायन, नृत्य, कविता वाचन, हाजिरीजवाफ, वक्तृत्वकला, निबन्ध लेखन र फुटबल, क्रिकेट, भलिबल, टेबल टेनिसजस्ता खेलकुद प्रतिस्पर्धामा उत्कृष्ट प्रदर्शन गर्ने विद्यार्थीहरूलाई सम्मान गरेको छ। साथै, अन्तरविद्यालय प्रतियोगितामा समेत उत्कृष्ट प्रदर्शन गर्ने विद्यार्थीहरूलाई विशेष रूपमा पुरस्कृत गरिएको छ।

सम्मानित विद्यार्थीहरूमध्ये प्रियंका उपाध्याय, शम्भुप्रसाद दाहाल, लक्ष्मी गिरी, एमडी आर्जु अन्सारी, मेनुका कुमारी मण्डल, प्राप्ति मेहता, कुलदेव शाह, आशुतोष कुमार भगत, अभिषेक मण्डल, सुरज कुमार गुप्ता, समीक्षा दाहाल, गरिमा तिम्सिना, कृष्ण कुमार भगत, भारती यादव, ओमप्रकाश यादव, राजेश मण्डल, रुल्स गुप्ता, मनिषकुमार झा लगायतका ८१ विद्यार्थी रहेका छन्।

कलेजका प्रिन्सिपल दिनेश दाहालले विद्यार्थीहरूलाई भविष्यका कर्णधार र वर्तमानका साझेदारका रूपमा विकास गर्न कलेजले निरन्तर योगदान दिइरहने प्रतिबद्धता व्यक्त गर्नुभयो।

समाचार: सुलभ रिजाल, सुनसरी

The post ग्रीनल्यान्ड कलेजद्वारा मेधावी विद्यार्थीहरूलाई नगदसहित सम्मान first appeared on You TV Nepal.

बुटवल,  मंसिर । नेपाली कला, संस्कृतिको संरक्षण गर्दै युवा कलाकार उत्पादन गर्ने उदेश्यका साथ जारी रुपन्देही डान्स स्टार चौथो संस्करणको फाईनल राउण्डमा २० प्रतियोगीहरु पुगेका छन । छमछमी कला केन्द्रको आयोजनामा जारी रुपन्देही डान्स स्टार सिजन—४ को सेमीफाईनल राउण्डमा सहभागी ४० जना प्रतियोगीमध्येबाट छनौट भई २० जना फाईनलमा प्रवेश गरेका हुन । फाईनल चरणको प्रतियोगिता लुम्बिनी वाणिज्य क्याम्पसको सभाहलमा पुष ६ गते हुने छमछमीका संचालक तथा नृत्य निर्देशक किशोर थापाले बताए ।

बुटवलको गार्गी एकेडेमीमा भएको सेमीफाईनल चरणमा उत्कृष्ट प्रस्तुतिसहित दिलमाया परियार, हेमा सुनार, कृतना ज्ञवाली, सगुन गैरे, प्राश्ना कुवर, सेली थापा, अन्सु केसी, आयिशा भुषाल, प्राचु पुन, मनसुन सुवेदी, समृद्धि सेन, साहिस्ता शाही, अजिता सोमै, रिदम सारु, कृष्टिना घिमिरे, सगुन थापा, प्रविधि न्यौपाने, सुलभ मिजार, प्रिन्सु सुनार र साहिसा क्षेत्री फाईनलमा प्रवेश गरेका छन । प्रतियोगितामा पाच देखी १३ वर्ष बिचमा निक्कै उत्कृष्ट सहभागीहरु रहेको जज अनु रजकले बताए ।

पहिलो चरणको अडिसन राउण्डमा १०२ जना सहभागीमध्येबाट छनौट भएर दोस्रो चरणको ओपन राउन्डमा ६० जना र सेमिफाइनलमा ४० जना छनौट भएका छमछमीका संचालक तथा नृत्य निर्देशक किशोर थापाले बताए । अडिसनमा सहभागीहरुले २ मिनेटको प्रस्तुति प्रस्तुत गरेका थिए । प्रतियोगितामा नेपाली र अग्रेजी गितमा मात्र प्रतियोगी आफनो नृत्य प्रस्तुत गर्न पाउने उनले बताए । यसपटक प्रतियोगितामा पाच वर्षभन्दा माथिको उमेर हकबन्दी हटाईएको र सिगल डान्समात्र राखिएको छ ।

प्रतियोगिताको उपाधि विजेताले नगद ५० हजार रुपैया, ट्रफी र गिफट हेम्परबाट पुरस्कृत गरिने छ । यसैगरि उपविजेताले ३० हजार, तृतियले २० हजार तथा सान्त्वनाले १० हजार रुपैयाँ पुरस्कारबाट पुरस्कृत गरिने छ । प्रतियोगिताको पहिलो संस्करणमा लक्ष्मी पुन, दोस्रो संस्करणमा अंकिता थापा र तेस्रो संस्करणमा लिजा थापा विजेता भएकी थिईन । सेमीफाईनल चरणमा अनु रजक र अनु गुरुङ जज रहेका थिए ।

The post रुपन्देही डान्स स्टार चौथो संस्करणको फाईनल राउण्डमा २० प्रतियोगीहरु पुगे first appeared on You TV Nepal.

डब्लिन – तामाङ परिवार आयरल्याण्डले आगामी जनवरी २८ मा आयोजना गर्न लागेको विशेष सांगीतिक कार्यक्रममा चर्चित गायकहरू परशान्त तामाङ र अनिस भण्डारीले आफ्नो प्रस्तुति दिनेछन्। साथै, डिजे उज्ज्वलले पनि आफ्नो विशेष म्यूजिकल प्रस्तुति दिने पुष्टि भएको छ।

तामाङ समुदायको संस्कृति र परम्परालाई प्रवर्द्धन गर्दै आयरल्याण्डमा रहेका नेपाली समुदायलाई मनोरञ्जन प्रदान गर्ने उद्देश्यले आयोजना गरिएको यो कार्यक्रममा एनआरएनए आयरल्याण्ड, चितवन समाज आयरल्याण्ड, बागलुङ समाज आयरल्याण्ड, र केटीएम इन्टरटेनमेन्टले आफ्नो साथ र सहयोग प्रदान गरेका छन्।

कार्यक्रमले सांगीतिक प्रस्तुतिहरूसँगै नेपाली परम्परागत खानाका परिकार र सांस्कृतिक प्रदर्शनीमार्फत नेपाली कला र पहिचानलाई अन्तर्राष्ट्रिय स्तरमा प्रवर्द्धन गर्नेछ।

आयोजकले कार्यक्रममा उपस्थित भई कार्यक्रमलाई सफल बनाउन सम्पूर्ण नेपाली समुदायलाई हार्दिक निमन्त्रणा गरेको छ।

The post तामाङ परिवार आयरल्याण्डद्वारा विशेष सांगीतिक कार्यक्रम आयोजना first appeared on You TV Nepal.

साधारण जीवनयापन गरिरहेका दुई व्यक्तिको जीवनको कथालाई उतारिएको भिडियोलाई मानव सुवेदीले निर्देशन गरेका छन् । ओली स्वयमले शब्द रचना गरेको गीतमा दीपक शर्माको संगीत छ।

उदयराज पौडेलको एरेन्ज रहेको गीतमा श्यामश्वेत रसाइलीको मिक्सिङ मास्टरिङ छ । जगदीश न्यौपाने सहायक निर्देशक रहेको भिडियोलाई पवन सुस्लिङ्गले खिचेका छन् भने निर्देशक सुवेदीले नै सम्पादन गरेका छन् ।

The post प्रियंका कार्की र सरोज ओलीले यसमा पनि जीवन्त अभिनय गरेका first appeared on You TV Nepal.

The post ‘अनारवति’ले मैथिली लोकसंस्कृतिको परम्परागत पक्षलाई फोक-ईडीएम शैलीमा प्रस्तुत गर्दै संगीतमा नयाँ स्वाद थपेको छ first appeared on You TV Nepal.

यस्तो अवस्थामा तपाईलाई यो थाहा पाउँदा छक्क पर्नुहुनेछ कि एक्शन र एडभेन्चरले भरिएको सबैभन्दा महँगो फिल्म अहिलेसम्म रिलिज भएको नै छैन। यो अचम्म लाग्दो तर सत्य हो। यस्तो फिल्म हलिउडमा भने बनेको होइन् ।

यस्तो फिल्मको निर्माण चीनका धनी रियल स्टेट एजेन्ट जोन जियाङले सुरु गरेका थिए । जोन जियाङ यति ठूलो फिल्म बनाउन चाहन्थे कि यसले अवतार जस्ता फिल्मलाई हराउन सक्छ र यसको नाम वर्षौंसम्म याद रहनेछ। उनीसँग पैसाको कुनै कमी थिएन, त्यसैले ठूला स्टारलाई सम्पर्क गर्न थालें । तर, उनको चाहना भने कहिल्यै पूरा हुन सकेन ।

विकिपिडियाका अनुसार जोन जियाङको यो फिल्मको नाम ‘एम्पायर्स अफ दि डीप’ थियो। यो फिल्मको स्क्रिप्ट तयार गर्नमात्रै चार वर्ष लाग्यो । १० जनाभन्दा बढी लेखकहरूले मिलेर फिल्मका लागि ४० वटा ड्राफ्ट तयार गरेका छन् । त्यसपछि मात्र फिल्ममा काम सुरु हुन सक्ने जनाइएको थियो । यो चलचित्रले पानीमुनिको संसारको कथा मात्रै बताउने निर्णय गरेको थियो । फिल्मको ठूलो हिस्सा पानीमुनि छायांकन हुने स्पष्ट थियो । यस्तै सुन्दर संसारलाई एनिमेसनमा पनि देखाइने छ ।

फिल्मका लागि निर्देशकका रूपमा इर्भान कर्सनरलाई छनोट गरिएको थियो र प्रस्तावित बजेट १३ करोड डलर अर्थात् १६ अर्ब बढी राखिएको थियो । फिल्मको सुटिङ ब्ल्याक विडो फेम ओल्गा कुरिलेन्कोबाट सुरु भएको थियो तर केही विवादका कारण फिल्मका निर्देशकले काम बीचमै छाडेका थिए । त्यसपछि पनि थप दुई जना सञ्चालक नियुक्त भए तर तिनिहरु पनि केही समयपछि अलग भए ।

तर, फिल्मको ट्रेलर सन् २०१० मा रिलिज भएको थियो तर त्यो पनि पूरा भएन । ट्रेलर रिलिज भएको यतिको वर्ष बितिसक्दा पनि फिल्म रिलिजको चरणमा पुग्न सकेको छैन । स्टीवन स्पिलबर्गको साझेदार माइकल कहानलाई पनि यसको सम्पादन पूरा गर्न बोलाइएको थियो। यी सबै परिवर्तनको बीचमा फिल्मको केही भागलाई पुनः सुटिङ गर्नुपर्ने हुनसक्ने जनाईएको छ ।

त्यसपछि खर्च अझै बढ्ने सम्भावना थियो । यिनै कुरालाई हेरेर फिल्मलाई जसरी छाड्ने निर्णय भयो । जसका कारण अहिलेसम्म फिल्म रिलिज हुन नसकेको अन्तराष्ट्रिय समाचार संस्थाहरुले जनाएका छन् ।

The post संसारको सबैभन्दा महंगो फिल्म १६ अर्बको, ट्रेलर रिलिज भयो तर फिल्म आएन first appeared on You TV Nepal.