The post मिडियामार्फत केम्श सिंहको आग्रह: नयाँ सरकारलाई शिक्षा सुधारका ४ बुँदे सुझाव first appeared on You TV Nepal.

काठमाडौं, नेपाल – काठमाडौं निर्वाचन क्षेत्र नं. ४ मा उम्मेदवार केम्स सिंहको पक्षमा जनसमर्थन उल्लेखनीय रूपमा बढ्दै गएको संकेत देखिएको छ। घरदैलो अभियान, युवा सहभागिता र स्थानीय मुद्दामाथिको स्पष्ट एजेन्डाका कारण क्षेत्रभर उत्साहजनक माहोल बनेको समर्थकहरू बताउँछन्।

स्थानीय बासिन्दाहरूले रोजगारी, स्वास्थ्य सेवा, शिक्षा र पूर्वाधार विकासलाई प्राथमिकतामा राख्ने प्रतिबद्धताले मतदातालाई आकर्षित गरेको बताएका छन्। चुनावी प्रचारप्रसारका क्रममा देखिएको भीड र सकारात्मक प्रतिक्रिया सिंहको जिततर्फ संकेत गर्ने विश्लेषकहरूको भनाइ छ।

निर्वाचनको अन्तिम नतिजा भने निर्वाचन आयोग नेपाल ले आधिकारिक रूपमा सार्वजनिक गर्नेछ। तर हालसम्मको माहोल हेर्दा काठमाडौं–४ मा केम्स सिंह बलियो प्रतिस्पर्धीका रूपमा उभिएका छन्।

The post काठमाडौं क्षेत्र नं. ४ मा केम्स सिंहको जितको संकेत बलियो first appeared on You TV Nepal.

राष्ट्रिय स्वतन्त्र पार्टीका उम्मेदवार ई. अरविन्द साह पछिल्ला दिनहरूमा क्षेत्र न. ३ का विभिन्न टोलटोलमा घरदैलो अभियान गर्दै मतदातासँग प्रत्यक्ष संवाद गरीरहेका छन् । घरदैलोका क्रममा उनले विगतका निर्वाचित प्रतिनिधिले जनतासँगको सम्बन्ध कायम राख्न नसकेको टिप्पणी गर्दै अब परिणाममुखी नेतृत्व आवश्यक भएको बताएका छन् ।

मतदातासँग कुरा गर्दै साहले भने, “चुनावको बेला मात्रै जनताको घरमा पुग्ने र जितेपछि पाँच वर्ष नदेखिने राजनीतिक संस्कार अब अन्त्य हुनुपर्छ । मेरो पहिलो प्राथमिकता जनताको विश्वास फर्काउने र काममार्फत राजनीति प्रमाणित गर्ने हो ।”

उनले बाराको समग्र विकासका लागि पाँच मुख्य एजेन्डा अघि सारेका छन् । तीमध्ये रोजगारी सिर्जना, कृषि आधुनिकीकरण, उद्योग प्रवद्र्धन, शिक्षा तथा स्वास्थ्य सेवाको गुणस्तर सुधार र सुशासनलाई प्रमुख रूपमा जोड दिएका छन् ।

साहले आफ्नो योजना स्पष्ट पार्दै भने, “बारामा उद्योगको ठूलो सम्भावना छ तर नीतिगत जटिलता र पूर्वाधार अभावले लगानी रोकिएको छ । संसदमा पुगेपछि उद्योगमैत्री वातावरण बनाउन पहल गर्नेछु । युवालाई विदेश जान बाध्य बनाउने होइन, यहीँ अवसर सिर्जना गर्ने लक्ष्य छ ।”

उनले कृषि क्षेत्रलाई आयमुखी बनाउन बजार व्यवस्थापन, भण्डारण र प्रविधि विस्तार आवश्यक रहेको पनि बताए । “किसानले उत्पादन गर्छन् तर मूल्य पाउँदैनन् । कृषि र उद्योगलाई जोडेर स्थानीय अर्थतन्त्र बलियो बनाउनु मेरो एजेन्डा हो,” उनले भने ।

ई.साहले सुशासन र पारदर्शितालाई आफ्नो राजनीतिक अभियानको केन्द्रमा राखेको बताएका छन् । “राजनीति सेवा हो, सुविधा होइन । खर्च, योजना र निर्णय सबै सार्वजनिक गर्ने अभ्यास सुरु गर्नुपर्छ,” उनले थपे ।

देशमा नयाँ राजनीतिक सोच आवश्यक रहेको उल्लेख गर्दै उनले संसदमा परिवर्तनकारी समूह निर्माणका लागि प्रत्यक्ष र समानुपातिक दुवै तर्फ घण्टी छापमा मतदान गर्न आग्रह गरेका छन् । उनले नयाँ पुस्ताको नेतृत्वलाई संस्थागत गर्नुपर्ने आवश्यकता औंल्याउँदै विकास र परिणाममुखी राजनीति अबको प्राथमिकता हुनुपर्ने बताए ।

यसैबीच, नेपाली कांग्रेसको आन्तरिक सर्वेक्षणको स्थानीय विवरणअनुसार बारा क्षेत्र नम्बर ३ मा कांग्रेस र एमालेको अवस्था अपेक्षाकृत कमजोर देखिएको र नयाँ शक्तिका रूपमा रास्वपाका उम्मेदवार साह प्रतिस्पर्धामा अगाडि देखिएका छन् ।

स्थानीय राजनीतिक विश्लेषकहरूका अनुसार युवा मतदाता, घरदैलो अभियानको सक्रियता तथा परिवर्तनको एजेन्डाका कारण यस क्षेत्रमा प्रतिस्पर्धा थप रोचक बन्दै गएको छ ।

साहले भन्छन्, “यो चुनाव व्यक्ति जिताउने होइन, राजनीतिक संस्कार बदल्ने अवसर हो । त्यसैले जनताको भरोसा जितेर काम गर्ने अठोट लिएको छु ।”

The post पुराना दल कमजोर देखिँदा बारा ३ मा नयाँ शक्तिको उभार first appeared on You TV Nepal.

राजनीतिक वृत्तमा सक्रिय सर्राफ मधेश आन्दोलनकालदेखि नै मधेशका मुद्दामा निरन्तर आवाज उठाउँदै आएका नेता मानिन्छन् । मधेशको पहिचान, अधिकार र समृद्धिका सवालमा सडकदेखि सदनसम्म संघर्ष गर्ने प्रतिबद्धताले उनलाई क्षेत्रका मतदातामाझ छुट्टै पहिचान दिएको छ ।
विशेषगरी युवाहरूकाबीच उनको लोकप्रियता उल्लेख्य देखिन्छ । बेरोजगारी समस्यालाई केन्द्रमा राख्दै उनले विभिन्न स्वरोजगारमूलक तालिम कार्यक्रम सञ्चालन गराएका थिए । ती तालिममार्फत सयौँ युवाले सीप सिकेर आफ्नै व्यवसाय सुरु गरेको दाबी गरिएको छ । ‘रोजगारी सिर्जना नै समृद्धिको आधार हो’ भन्ने नारासहित उनले अघि सारेका कार्यक्रमले युवा मतदाताको झुकाव आफ्नो पक्षमा पार्न सफल भएको विश्लेषण गरिन्छ ।
स्वास्थ्य क्षेत्र सुधारका सवालमा पनि सर्राफ सक्रिय रहँदै आएका छन् । वीरगंजस्थित नारायणी अस्पतालको सेवा सुधारका लागि उनले पटक पटक आवाज उठाउँदै आन्दोलनसमेत गरेका छन् । अस्पतालको सेवा, पूर्वाधार र व्यवस्थापन सुधारको माग गर्दै गरिएको दबाबपछि केही सकारात्मक परिवर्तन देखिएको भन्दै उनका समर्थकहरू दाबी गर्छन् ।
त्यसैगरी पर्साको ऐतिहासिक सिर्सिया नदी संरक्षण अभियानमा पनि उनी लामो समयदेखि संलग्न छन् । औद्योगिक प्रदूषण र अव्यवस्थित फोहोर व्यवस्थापनका कारण संकटमा परेको सिर्सिया नदी जोगाउन उनले जनचेतनामूलक अभियानदेखि सम्बन्धित निकायमा दबाब सिर्जना गर्ने काम गर्दै आएका छन् । वातावरण संरक्षणप्रति देखाएको सक्रियताले नागरिक समाजका विभिन्न तहबाट समर्थन बढेको देखिन्छ ।
चुनावी मैदानमा अन्य दलका उम्मेदवारहरू पनि सक्रिय छन् । नेपाली कम्युनिष्ट पार्टीका उम्मेदवार सि.ए. अजय चौरसिया तेश्रो स्थानमा रहेको आँकलन गरिएको छ भने जनता समाजवादी पार्टीका रामनरेश यादव र राष्ट्रिय स्वतन्त्र पार्टीका उम्मेदवार हरि पन्त क्रमशः चौथो र पाँचौँ स्थानमा रहेको आँकलन गरिएको छ । यसैगरि नेपाली काँग्रेसका अनिल रुङ्गटा चुनावी दौड बाहिर रहेको स्थानीयहरुको बुझाई छ ।
यद्यपि अन्तिम परिणाम मतदाताको निर्णयमा निर्भर रहनेछ, हालसम्मको जनसम्पर्क, घरदैलो अभियान र सामाजिक सक्रियताका आधारमा ओमप्रकाश सर्राफ पर्सा क्षेत्र नं. १ को निर्वाचन दौडमा अग्रस्थानमा रहेको सन्देश स्पष्ट देखिएको छ । चुनाव नजिकिँदै जाँदा प्रतिस्पर्धा अझै रोचक बन्ने अपेक्षा गरिएको छ ।
पर्सा जिल्ला अन्तर्गत प्रतिनिधिसभा निर्वाचन क्षेत्र नं. १ मा ९९ हजारभन्दा बढी मतदाता रहेका छन् । आगामी प्रतिनिधिसभा निर्वाचनलाई लक्षित गर्दै मतदाता नामावली अद्यावधिक गरिएपछि क्षेत्र नं. १ मा कुल ९९ हजार ६३८ मतदाता कायम भएका छन् । उपलब्ध तथ्यांकअनुसार यस क्षेत्रमा पुरुष मतदाता ५० हजार ४०६ जना, महिला मतदाता ३९ हजार २३० जना तथा अन्य लिङ्गका २ जना मतदाता रहेका छन् ।
निर्वाचन तयारीसँगै मतदान स्थल र केन्द्रको व्यवस्थापन कार्यसमेत अघि बढाइएको छ । क्षेत्र नं. १ मा ३४ मतदान स्थल र १०३ मतदान केन्द्र निर्धारण गरिएको छ । पर्सा क्षेत्र नं. १ मा यसपटक मतदाता संख्या उल्लेखनीय रहेकोले प्रतिस्पर्धा पनि रोचक हुने आँकलन गरिएको छ ।

The post पर्सा क्षेत्र १ मा चुनावी दौड रोमाञ्चक : जनमतका ओमप्रकाश सर्राफ अग्रस्थानमा, अन्य पछ्याउँदै, काँग्रेस चुनावी दौड बाहिर first appeared on You TV Nepal.

रौतहट, १५ फागुन
आम जनता पार्टी (आजपा)का अध्यक्ष एवं पूर्वमन्त्री प्रभु साहले रौतहटमा आज (शुक्रबार) एकै दिन आठ चुनावी सभालाई सम्बोधन गरेका छन् । चुनावी सरगर्मी बढदै जाँदा उनले चुनावी सभा, भेटघाट, छलफललाई तिब्रता दिदै एकै दिन आठ चुनावी सभा गरेका हुन् ।

रौतहटको गौर नगरपालिकाको परेनवा, राजदेवी नगरपालिकाको बस्तपुर, यमुनामाई गाउँपालिकाको सरुअठा, चिकना जेठरहिया, दुर्गाभगवती गाउँपालिकााको प्रिपाबजार, माधवनारायण नगरपालिकाको मिठुअवा, खेसरहिया र दिपही सहित आठ छुटाछुटै ठाउँमा चुनावी सभालाई साहले सम्बोधन गरेका छन् ।

सो सभालाई सम्बोधन गर्दै आजपा अध्यक्ष साहले रौतहटको चार वटै क्षेत्रमा आजपाबाट मोबाइल चुनाव चिन्हबाट उम्मेदवार भएकालाई मतदान गरी भारी मतले बिजयी बनाउन अपिल गरेका छन् । साह आफ्ै रौतहट–३ बाट उम्मेदवारी दिएका छन् ।

यसैगरी रौतहट–१ बाट त्रिभुवन साह ‘अमर’, रौतहट–२ बाट श्रीभगवान पटेल र रौतहट–४ बाट वरिष्ठ पत्रकार समेत रहेका ऋषी धमला आजपाबाट उम्मेदवारी दिएर चुनावी मैदानमा उत्रेका छन् । चारै जना उम्मेदवार घरदैलो, चुनावी सभा, भेटघाट एवं छलफललाई तिब्रता दिदै आममतदातासंग परिवर्तन, विकास, समृद्धि एवं व्यवस्थामा बदलावका लागि ‘मोबाइल’ चिन्हमा मतदान गर्न आग्रह गरेका छन् ।

आजपा अध्यक्ष साहले यो निर्वाचन सही र गलतबीचको प्रतिस्पर्धा भएको बताए । आम मतदाताले सही र गलत छुटयाएर समाज, जिल्ला र मुलुकको परिवर्तनका लागि सही नेता र राष्ट्रियता, लोकतन्त्र, अर्थतन्त्र जोगाउँनेलाई मतदान गर्नुपर्ने उनले बताए ।

निर्वाचनमा जेनजी हत्यारा, भ्रष्टाचारी, लुटेरा, हाईजैकर लगायतका व्यक्तिहरु समेत विभिन्न भेषभुषा, पहिरन, र पार्टीबाट उम्मेदवार रहेकाले त्यस्तालाई निर्वाचनमा बहिष्कार गर्दै मुलुक जोगाउँने, राष्ट्रियता बचाउने, मुलुकको अर्थतन्त्र जोगाउनका लागि संघर्ष गर्दै आएको आम जनता पार्टीका उम्मेदवारलाई मोबाइलमा मतदान गरेर बिजयी बनाउन साहले आग्रह गरेका छन् ।

‘जेनजी आन्दोलनका हत्यारा, भ्रष्टाचारी, लुटेराका साथै जेनजी आन्दोलनका हाईजैकरहरु समेत यो निर्वाचनमा उम्मेदवारको रुपमा आइरहेका छन् । यो निर्वाचन सही र गलत बीचको प्रतिस्पर्धा पनि हो,’ आजपा अध्यक्ष साहले भने, ‘त्यसैले तपाईहरुले त्यस्तालाई पहिचान गर्न आवश्यक छ । हामीले संघर्ष गर्दैआएका छौं । राष्ट्रियता, लोकतन्त्र, अर्थतन्त्र जोगाउँ सधै सडकमा संघर्ष गर्दै आएका हामीहरु एकातिर छौं भने अर्को तिर राष्ट्रियता, लोकतन्त्र, अर्थतन्त्र धरासायी बनाउनेहरु छ । यसलाई पहिचान गर्दै तपाईहरुले मोबाइल छापका उम्मेदवारलाई मतदान गर्न म हार्दिक अनुरोध गर्दछु ।’

नेपालबाट लुटेर बिदेशमा सम्पती थुपार्नेहरुले आज राष्ट्रियताको कुरा गरिरहेको बताउदै उनले मुलुकको अर्थतन्त्र बरबाद गर्ने, भ्रष्टाचार गर्नेहरुले सुशासनको कुरा गरेर भ्रमको खेती गरिरहेको उनले बताए । जेनजी आन्दोलनलाई हाईजैक गर्नेहरुले आज निर्वाचनमा आएर झुठा कुरा गरिरहेको बताउदै यस्ता देश विरोधीहरुलाई मतदान नगरी बहिष्कार गर्नुपर्ने आग्रह उनले गरे ।

रौतहटको विकास, समृद्धि, सम्मान र उज्जवल भविष्यका लागि यसपटकको निर्वाचनमा मोबाइलमा मतदान गरेर जेनजी हत्यारा, भ्रष्टाचारी, लुटेरा तथा हाईजैकरलाई बहिष्कार गर्नुपर्ने अपिल आजपा अध्यक्ष साहले गरेका छन् ।

कांग्रेसको भोट लिएर कम्युनिष्टको सरकार बनाउने र कम्युनिष्टको भोट लिएर कांग्रेसको सरकार बनाउनेहरुलाई समेत निर्वाचनमा मतदान नगरी बहिष्कार गर्नुपर्ने उनले बताए । सर्वसधारण नागरिकलाई भ्रममा पार्दै भोट लिने तर जनताको काम नगर्नेलाई मतदान नगर्न उनले आग्रह गरे । जिल्लाको विकास, समृद्धि, सम्मान नगर्ने नेतालाई निर्वाचनमा मतदान नगरी बहिष्कार गर्नुपर्ने उनले बताए ।

Prabhu Sah @top fans @everyone @followers #voteformobail #prabhusah #election2026 #election #election2082 #ElectionUpdate #ajp #आम_जनता_पार्टी #NepalElection2082 #ThePolitics #NepalPolitics #madheshpradesh #Madhesh #madheshnews #madheshgovernment #MadheshProvince #Rautahat #RautahatNews #RautahatUpdate

The post चुनावी चटारोमा आजपा अध्यक्ष प्रभु साहको एकैदिन आठ चुनावी सभा first appeared on You TV Nepal.

सेवा, समर्पण र अनुशासनका प्रतीक बुढाथोकीलाई धेरैले विश्वास र प्रेरणाको स्रोतका रूपमा लिने गर्थे। उहाँको असामयिक निधनपछि विश्वास गर्न नसक्ने अवस्था सिर्जना भएको छ भने एरिया–१ मा ठूलो खालीपन महसुस गरिएको छ।

The post एरिया–१ ले गुमायो ठुलो खम्बा, लायन्सप्रति दुई दशक समर्पित दिनेेश बुढाथोकीको असामयिक निधन first appeared on You TV Nepal.

The post सबै वडामा एमालेको दबदबा, सिरहा–३ मा जित लिलानाथ श्रेष्ठतर्फ पक्का संकेत first appeared on You TV Nepal.

The post आँखा छापमा जनसमर्थन बढ्दो, बिरगंज–१७ मा अमिताभ बच्चन दासको घरदैलो first appeared on You TV Nepal.

स्थानीय स्रोतका अनुसार चौधरीले एकै वडामा धेरै जनालाई वडाध्यक्षको टिकट दिने आश्वासन दिएको र नगरपालिकामा मेयर उम्मेदवार बनाइदिने भन्दै रकम संकलन गरेको आरोप छ। एउटै पदका लागि धेरै व्यक्तिसँग समान वाचा गरिएको भन्दै पार्टीभित्र असन्तुष्टि बढेको बताइएको छ।

यसैगरी, जातीय मत प्रभावित गर्न थारू समुदाय लक्षित बैठकमार्फत सामूहिक भोट मागिएको चर्चा पनि चलेको छ। मतदाताहरूले विकास र नीतिगत एजेन्डाभन्दा जातीय सौदाबाजी गरिएको भन्दै असन्तोष व्यक्त गरेका छन्।

कांग्रेसभित्रै पनि टिकट वितरण प्रक्रिया पारदर्शी हुनुपर्ने आवाज उठेको छ। केही स्थानीय नेताहरूले पार्टीको सिद्धान्तविपरीत गतिविधि भएको पुष्टि भए कारबाही हुनुपर्ने माग गरेका छन्।

चुनावी माहोल तातेका बेला यस्ता आरोप–प्रत्यारोपले पर्सा–३ मा राजनीतिक तनाव बढाएको छ। निर्वाचन आयोग र सम्बन्धित निकायले विषयमा स्पष्टता दिनुपर्ने माग स्थानीय स्तरमा उठ्न थालेको छ।

The post पर्सा–३ का कांग्रेस उम्मेदवार सुरेन्द्र चौधरीमाथि टिकट व्यापार र आश्वासन बाँडेको आरोप first appeared on You TV Nepal.