मौसम - You TV Nepal

आजको मौसम: पश्चिमी वायुको आंशिक प्रभाव; हिमाली भेगमा हल्का हिमपातको सम्भावना

anjana soni — Sun, 07 Dec 2025 02:26:49 +0000

काठमाडौं: मौसम पूर्वानुमान महाशाखाले आज (आइतबार) देशभर पश्चिमी वायुको आंशिक प्रभाव रहने जनाएको छ। यसका कारण पहाडी तथा हिमाली भूभागमा आंशिकदेखि सामान्य बदली रहनेछ भने बाँकी क्षेत्रको मौसम मुख्यतया सफा रहने अनुमान गरिएको छ।

दिउँसोको मौसम पूर्वानुमान

देशभर आंशिक बदली: सुदूरपश्चिम प्रदेश, कोशी प्रदेश, गण्डकी प्रदेश र कर्णाली प्रदेशका पहाडी भूभागसहित देशभर आंशिक बदली रहनेछ।
सफा मौसम: बाँकी भूभागमा मौसम मुख्यतया सफा रहनेछ।

राति हुने सम्भावित परिवर्तन

बदली: राति गण्डकी प्रदेश, कर्णाली प्रदेश र सुदूरपश्चिम प्रदेशका पहाडी तथा हिमाली भूभागमा साधारणतया बदली रही बाँकी भूभागमा आंशिक बदली रहनेछ।
वर्षा/हिमपातको सम्भावना: गण्डकी प्रदेशको हिमाली भूभागका एक-दुई स्थानमा हल्का वर्षा वा हिमपात को सम्भावना रहेको महाशाखाले जनाएको छ।

हाल देशको पहाडी भूभागमा आंशिक बदली रहेको र बाँकी भूभागमा मौसम मुख्यतया सफा रहेको महाशाखाले जानकारी दिएको छ।

The post आजको मौसम: पश्चिमी वायुको आंशिक प्रभाव; हिमाली भेगमा हल्का हिमपातको सम्भावना first appeared on You TV Nepal.

चक्रवात ‘दित्वा’को प्रभाव: देशभर आंशिक बदली, यी प्रदेशमा मौसम सफा

anjana soni — Mon, 01 Dec 2025 02:18:04 +0000

मौसम पूर्वानुमान महाशाखाले हाल दक्षिण-पश्चिम बंगालको खाडीमा विकसित चक्रवात ‘दित्वा’ (Ditwa) को आंशिक प्रभाव देशभर परिरहेको जनाएको छ।

यस चक्रवातका कारण देशका उच्च पहाडी तथा हिमाली भूभागहरूमा मौसममा आंशिक बदली छाएको छ।

दिनभरको मौसम

आज दिउँसोको समयमा कोशी प्रदेश, मधेश प्रदेश, बागमती प्रदेश, गण्डकी प्रदेश र लुम्बिनी प्रदेशमा आंशिक बदली रहनेछ।

अन्य बाँकी भू-भागमा भने मौसम मुख्यतया सफा रहने महाशाखाले जानकारी दिएको छ।

रातिको मौसम

आज राति भने बदली हुने क्षेत्र केही खुम्चिनेछ। रातिको समयमा कोशी प्रदेश, मधेश प्रदेश, बागमती प्रदेश र गण्डकी प्रदेशमा आंशिक बदली रहने महाशाखाको भनाइ छ।

यसबाहेकका बाँकी भू-भागमा मौसम मुख्यतया सफा रहनेछ।

The post चक्रवात ‘दित्वा’को प्रभाव: देशभर आंशिक बदली, यी प्रदेशमा मौसम सफा first appeared on You TV Nepal.

आजको मौसम तराइका हवाइ उडडयन प्रभावित हुने

YOUTV Nepal — Wed, 11 Dec 2024 09:55:23 +0000

काठमाडौं, २६ मंसीर । हाल देशमा पश्चिमी वायुको प्रभाव रहेको छ।

जल तथा मौसम विज्ञान विभाग, मौसम पूर्वानुमान महाशाखाका अनुसार कोशी प्रदेशका पहाडी भू-भागमा आंशिक बदली रही बाँकी भू-भागमा मौसम आंशिक बदली देखि मुख्यतया सफा रहेको छ।

दिउँसो कोशी प्रदेशका पहाडी भू- भागमा आंशिक बदली रही बाँकी भू-भागमा मौसम मुख्यतया सफा रहने छ ।

राती भने कोशी प्रदेश र गण्डकी प्रदेशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने छ।

बिहानको समयमा तराई तथा उपत्यका धेरै स्थानहरूमा हुस्सु साथै थोरै स्थानहरुमा कुहिरोको सम्भावना रहेकोले दैनिक जनजीवन, यातायात तथा हवाई उड्डयनमा क्षणिक र आंशिक असर पर्न सक्ने हुनाले आवश्यक सतर्कता अपनाउन महाशाखाले अनुरोध गरेकाे छ ।

The post आजको मौसम तराइका हवाइ उडडयन प्रभावित हुने first appeared on You TV Nepal.

आजको मौसमः कोशी, बागमती र गण्डकी प्रदेशका पहाडी भू-भागका हल्का वर्षा

YOUTV Nepal — Fri, 29 Nov 2024 07:42:12 +0000

काठमाडौं, १४ मंशिर । देशमा पश्चिमी वायुको सामान्य प्रभाव रहेको छ ।

जल तथा मौसम विज्ञान विभाग, मौसम पूर्वानुमान महाशाखाका अनुसार देशको पहाडी भू-भागमा आंशिक बदली रही बाँकी भू- भागमा आंशिक बदली देखि मौसम मुख्यतया सफा रहेको छ। तराई भू-भागका केही स्थानहरूमा तथा पहाडी भू-भागका थोरै स्थानहरुमा हुस्सु र कुहिरो लागेको छ ।

दिउँसो कोशी प्रदेशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने छ ।

राती भने कोशी र गण्डकी प्रदेशका पहाडी भू-भागमा आंशिक बदली रही बाँकी भू-भागमा मौसम मुख्यतया सफा रहने छ ।

कोशी प्रदेश , बागमती प्रदेश र गण्डकी प्रदेशका पहाडी भू-भागका एक दुई स्थानमा हल्का वर्षा साथै उच्च पहाडी तथा हिमाली भू-भागका एक दुई स्थानमा हल्का हिमपातको सम्भावना रहेकोले कृषि, स्वास्थ्य, पर्यटन, पर्वतारोहण, सडक तथा हवाई यातायातमा क्षणिकरआंशिक असर पर्न सक्ने हुनाले आवश्यक सतर्कता अपनाउनु हुन महाशाखाले अनुरोध गरेको छ ।

The post आजको मौसमः कोशी, बागमती र गण्डकी प्रदेशका पहाडी भू-भागका हल्का वर्षा first appeared on You TV Nepal.

‘अनारवति’ले मैथिली लोकसंस्कृतिको परम्परागत पक्षलाई फोक-ईडीएम शैलीमा प्रस्तुत गर्दै संगीतमा नयाँ स्वाद थपेको छ

YOUTV Nepal — Fri, 22 Nov 2024 10:45:10 +0000

मैथिली लोक गीतको एल्बम “गीत घर के” को एउटा लोकप्रिय गीत ‘अनारवति डोमरी तोर डोम कत गेलौ गे …’ बोलको गीत कुनै बेला खुबै चर्चा कमाएको थियो । गंगा क्यासेटले निर्माण गरेको उक्त गीतलाई पछि निर्माण कम्पनीले जनकपुरधाममा छायांकन समेत गरेको थियो।
मिथिला नाट्यकला परिषद् (मीनाप) का चर्चित कलाकारहरु हाँस्य सम्राट राम नारायण ठाकुर , घनश्याम मिश्र , धीरज ठाकुर , पुनम ढकाल लगायतकाले मुख्य भूमिका निर्वाह गरेका थिए । ह्याण्डी क्यामबाट खिचिएको त्यो गीतको भिडियो क्वालिटी त्यति राम्रो न भएपनि डोमकछको आनरवती भन्ने गीत र त्यसको भिजुअल निक्कै लोकप्रिय भएको स्वयं मुख्य डोमको भुमिका निर्वाह गरेका घनश्याम मिश्रको तर्क छ ।
समयको प्रवाह सँगै अहिले अत्याधुनिक प्रविधिको प्रयोग भई रहेको समयमा त्यो पुरानो अनारवती शब्दको गीतलाई अहिले नयाँ प्रविधिको प्रयोग गरेर कथ्य सहित त्रिकोन इन्टरटेन्मेन्टको ब्यानरमा फरक शैलीमा नयाँ शब्द र संगीत प्रयोग गरेर नव निर्माण गरेको छ । अनारवती गीति भिडियोमा अभिनेत्री काजल कर्ण र नृत्य निर्देशक राजीव समरको अभिनयले संगीत प्रेमीको मन जित्ने प्रधानाध्यापक अनुज मिश्रको विश्वास छ । मुख्यरुपमा मैथिली भाषी संगीत प्रेमी त्यसमा पनि युवा पुस्तालाई यो अनारवती डोमकछले आफूतिर आकर्षित गर्ने मिश्रको दावी छ ।
यो गीतले मैथिली संस्कृतिलाई आधुनिक संगीतसँग जोड्दै नयाँ पुस्तालाई एउटा राम्रो सामग्री पस्किन सफल भएको छ । गीतमा स्वर, संगीत र शब्द युवा संगीतकार सुमित मल्लिकको रहेको छ । भिडियोमा काजल, राजीव सँगै आयुष्मान ठाकुरको अभिनय रहेको छ ।
कथ्य भने जाड रक्सि पिउने, जुवा तास खेल्ने, बानिको कारण श्रीमती ‘अनारवति’ पतिलाई छोडेर माइती गए पछिको संघर्षलाइ देखाइएको छ | भिडियोमा सागर यादवको सिनेमाटोग्राफी , बिबेक सुनारको सम्पादन र रङ संयोजन रहेको छ । निर्देशन र कोरियोग्राफीको जिम्मा राजीव समरले सम्हालेका छन्, जसले भिडियोमा मौलिकता र आधुनिकतालाई कुशलतापूर्वक प्रस्तुत गरेका छन्। उक्त गीतको भिडियो निर्माण काजल सह-निर्माता राहुल कर्ण हुन् ।
‘अनारवति’ले मैथिली लोकसंस्कृतिको परम्परागत पक्षलाई फोक-ईडीएम शैलीमा प्रस्तुत गर्दै संगीतमा नयाँ स्वाद थपेको छ । गीतको मौलिक श्रेय मिनापका पूर्व अध्यक्ष गायक संगीतकार सुनील मल्लिक, संगीतकार प्रवेश मल्लिक, साहित्यकार अशोक दत्त, रश्मी दत्त र आभास लाभलाई दिइएको छ ।

The post ‘अनारवति’ले मैथिली लोकसंस्कृतिको परम्परागत पक्षलाई फोक-ईडीएम शैलीमा प्रस्तुत गर्दै संगीतमा नयाँ स्वाद थपेको छ first appeared on You TV Nepal.

बाढी पहिरोमा मृत्यु हुनेको संख्या २३२ पुग्यो

YOUTV Nepal — Thu, 03 Oct 2024 09:13:23 +0000

काठमाडौं । केही दिनअघिको अविरल वर्षाका कारण भएको बाढीपहिरो र डुबानका कारण हालसम्म २३२ जनाको मृत्यु भएको छ भने २३ जना बेपत्ता छन् ।

नेपाल प्रहरीका अनुसार प्राकृतिक विपद्मा १६५ जना घाइते रहेका छन् ।

अहिलेसम्म बाढी, पहिरोमा १७ हजार ३१ जनाको उद्धार गरिएको नेपाल प्रहरीले जानकारी दिएको छ ।

साथै प्रहरीले अविरल बर्षाका कारण देशका विभिन्न स्थानमा बाढी तथा पहिरोले सडक अवरुद्ध रहेकाले सडक खुलाउने प्रयास भईरहेको हुदा लामो यात्रमा निस्किनु अघि सम्बन्धि जिल्ला प्रहरी कार्यालयमा सम्पर्क गरेर निस्किन आग्रह गरेको छ ।

साथै सरकारले बाढी प्रभावितलाई खाद्यान्नलगायत आपत्कालीन राहत सामग्री उपलब्ध गराइएको तथा घाइतेको निःशुल्क उपचार भइरहेको जानकारी दिएको छ ।

The post बाढी पहिरोमा मृत्यु हुनेको संख्या २३२ पुग्यो first appeared on You TV Nepal.

रात्रीकालिन उडान हुने विमानस्थल राति १२ बजेसम्म संचालन हुने

YOUTV Nepal — Wed, 02 Oct 2024 11:19:42 +0000

काठमाडौँ । नेपाल नागरिक उड्डयन प्राधिकरणले हवाई चापलाई ध्यानमा राखेर असोज १७ गतेदेखि ३० गतेसम्म रात्रीकालिन उडान हुने विमानस्थलहरुमा राति १२ बजेसम्म उडान हुने जानकारी दिएको छ ।

प्राधिकरणले भनेको छ-

‘देशभर सिर्जित बढ्दो हवाई चापलाई सम्वोधन गर्न असोज, १७-३० (घटस्थापना देखि पुर्णिमा) सम्म त्रि.अ.वि., गौतमबुद्ध, पोखरा लगायत रात्रीकालीन उडान हुने सम्पुर्ण विमानस्थलहरु विहान ४:३० बजेदेखि राती १२:०० बजेसम्म नै (आवश्यकता अनुसार थप हुने) संचालनमा आउने व्यवस्था मिलाइएको छ ।’

The post रात्रीकालिन उडान हुने विमानस्थल राति १२ बजेसम्म संचालन हुने first appeared on You TV Nepal.

मधेस प्रदेश सरकारले अविरल वर्षाले पुर्‍याएको क्षतिबापत् पीडितलाई राहत तथा पुनःस्थापना गर्न आठवटै जिल्लालाई एक-एक करोड आपत्कालीन रकम विनियोजन गर्ने

YOUTV Nepal — Mon, 30 Sep 2024 06:54:22 +0000

जनकपुरधाम । मधेस प्रदेश सरकारले अविरल वर्षाले पुर्‍याएको क्षतिबापत् पीडितलाई राहत तथा पुनःस्थापना गर्न आठवटै जिल्लालाई एक-एक करोड आपत्कालीन रकम विनियोजन गर्ने निर्णय गरेको छ ।

मधेसमा बाढीबाट भएको सडक क्षतिको पुनः निर्माणका लागि भौतिक पूर्वाधार विकास मन्त्रालयलाई तत्कालै पाँच करोड रकम विनियोजन गर्ने निर्णय गरेको हो । आइतबार बसेको मधेस प्रदेश सरकारको मन्त्रिपरिषद्को बैठकले उक्त निर्णय गरेको मुख्यमन्त्री सतिशकुमार सिंहले जानकारी दिए ।

मुख्यमन्त्री सिंहले देशभरिका बाढी र पहिरोको प्रकोपले मधेस अछुतो नरहेको र आठवटै जिल्लामा समस्या भए पनि सप्तरीमा कोशी नदीका कारण हनुमाननगर कंकालिनी, रौतहटमा बागमती नदीका कारण राजदेवी नगरपालिका र सर्लाहीमा बकैया र बागमती नदीका कारण बलरा नगरपालिकासहितका पालिकाहरु अति प्रभावित भएको जानकारी दिए ।

उनले मन्त्रिपरिषद्को बैठकबाट सम्पूर्ण दातृ निकायहरुलाई राहतका लागि खुल्ला आह्वान गरिएको र प्रभावित क्षेत्रमा पुग्न आग्रह गर्ने निर्णय भएको बताए । मुख्यमन्त्री सिंहले मधेसको प्रभावित क्षेत्रमा स्वास्थ्य सेवा प्रदान गर्न सम्बन्धित निकायलाई निर्देशन दिइएकोसमेत बताए ।

The post मधेस प्रदेश सरकारले अविरल वर्षाले पुर्‍याएको क्षतिबापत् पीडितलाई राहत तथा पुनःस्थापना गर्न आठवटै जिल्लालाई एक-एक करोड आपत्कालीन रकम विनियोजन गर्ने first appeared on You TV Nepal.

झ्याप्ले खोलाको पहिरोबाट अहिलेसम्म २९ शव निकालियो

YOUTV Nepal — Sun, 29 Sep 2024 07:23:55 +0000

धादिङ । पृथ्वी राजमार्गको झ्याप्ले खोलामा पहिरोले अहिलेसम्म पुरिएका २९ जनाको शव निकालिएको छ ।

प्रहरीका अनुसार शनिबार १४ जनाको शव निकालिएकोमा आइतबार अहिलेसम्म १५ जनाको शव निकालिएको हो । अहिलेसम्म निकालिएका शव त्रिवि शिक्षण अस्पतालमा पठाइएको र आफन्त बेपत्ता भएका परिवारले प्रमाणपत्र सहित सम्पर्क गरिदिन खानीखोला प्रहरीले अनुरोध गरेको छ ।

झ्याप्ले खोलामा गएको पहिरोमा अहिलेसम्म बुटवलबाट आएको विंगर, गोरखाबाट आएको बस र चितवनबाट आएको माइक्रो बस परेको पुष्टि भएको छ ।

नेपाली सेना, नेपाल प्रहरी र सशस्त्र प्रहरीले पहिरो उत्खनन गर्दा आइतबार बिहान बस र माइक्रो बस भेटिएको हो ।

The post झ्याप्ले खोलाको पहिरोबाट अहिलेसम्म २९ शव निकालियो first appeared on You TV Nepal.