The post लायन्स ३२५ पीको नेतृत्व कसौधनलाई, मीना पन्थी र अर्चित श्रेष्ठ पनि निर्वाचित first appeared on You TV Nepal.

संघको केन्द्रीय कार्यालय, बबरमहल काठमाडौँबाट जारी पत्र अनुसार आगामी २०८२ माघ २९ मा हुने प्रतिनिधि सभाको निर्वाचनका लागि महिलाहरूलाई समानुपातिक सूचीमा समावेश गर्न सिफारिस गरिएको हो।

पत्रमा पार्टी केन्द्रीय कार्यालयलाई सम्बोधन गर्दै विभिन्न जिल्ला, समुदाय र पृष्ठभूमिका महिलाहरूको नाम पठाइएको उल्लेख छ। समावेशी प्रतिनिधित्व सुनिश्चित गर्न मधेसी, मुस्लिम, दलित र खस आर्य समुदायका महिलाहरूलाई प्राथमिकताका साथ सिफारिस गरिएको संघले जनाएको छ।

सिफारिस सूचीमा महोत्तरी, रूपन्देही, पश्चिम नवलपरासी, धनुषा, सल्यान, बारा, पर्सा र कैलाली जिल्लाका महिलाहरू समेटिएका छन्। संघले महिलाको राजनीतिक सहभागिता बलियो बनाउन यो कदम महत्वपूर्ण हुने विश्वास व्यक्त गरेको छ।

पत्रमा संघकी अध्यक्ष बिन्दु कुमारी ठाकुरको हस्ताक्षर रहेको छ।

The post लोकतान्त्रिक महिला संघले समानुपातिक उम्मेदवार सिफारिस गरेको छ first appeared on You TV Nepal.

बुटवल,  मंसिर । नेपाली कला, संस्कृतिको संरक्षण गर्दै युवा कलाकार उत्पादन गर्ने उदेश्यका साथ जारी रुपन्देही डान्स स्टार चौथो संस्करणको फाईनल राउण्डमा २० प्रतियोगीहरु पुगेका छन । छमछमी कला केन्द्रको आयोजनामा जारी रुपन्देही डान्स स्टार सिजन—४ को सेमीफाईनल राउण्डमा सहभागी ४० जना प्रतियोगीमध्येबाट छनौट भई २० जना फाईनलमा प्रवेश गरेका हुन । फाईनल चरणको प्रतियोगिता लुम्बिनी वाणिज्य क्याम्पसको सभाहलमा पुष ६ गते हुने छमछमीका संचालक तथा नृत्य निर्देशक किशोर थापाले बताए ।

बुटवलको गार्गी एकेडेमीमा भएको सेमीफाईनल चरणमा उत्कृष्ट प्रस्तुतिसहित दिलमाया परियार, हेमा सुनार, कृतना ज्ञवाली, सगुन गैरे, प्राश्ना कुवर, सेली थापा, अन्सु केसी, आयिशा भुषाल, प्राचु पुन, मनसुन सुवेदी, समृद्धि सेन, साहिस्ता शाही, अजिता सोमै, रिदम सारु, कृष्टिना घिमिरे, सगुन थापा, प्रविधि न्यौपाने, सुलभ मिजार, प्रिन्सु सुनार र साहिसा क्षेत्री फाईनलमा प्रवेश गरेका छन । प्रतियोगितामा पाच देखी १३ वर्ष बिचमा निक्कै उत्कृष्ट सहभागीहरु रहेको जज अनु रजकले बताए ।

पहिलो चरणको अडिसन राउण्डमा १०२ जना सहभागीमध्येबाट छनौट भएर दोस्रो चरणको ओपन राउन्डमा ६० जना र सेमिफाइनलमा ४० जना छनौट भएका छमछमीका संचालक तथा नृत्य निर्देशक किशोर थापाले बताए । अडिसनमा सहभागीहरुले २ मिनेटको प्रस्तुति प्रस्तुत गरेका थिए । प्रतियोगितामा नेपाली र अग्रेजी गितमा मात्र प्रतियोगी आफनो नृत्य प्रस्तुत गर्न पाउने उनले बताए । यसपटक प्रतियोगितामा पाच वर्षभन्दा माथिको उमेर हकबन्दी हटाईएको र सिगल डान्समात्र राखिएको छ ।

प्रतियोगिताको उपाधि विजेताले नगद ५० हजार रुपैया, ट्रफी र गिफट हेम्परबाट पुरस्कृत गरिने छ । यसैगरि उपविजेताले ३० हजार, तृतियले २० हजार तथा सान्त्वनाले १० हजार रुपैयाँ पुरस्कारबाट पुरस्कृत गरिने छ । प्रतियोगिताको पहिलो संस्करणमा लक्ष्मी पुन, दोस्रो संस्करणमा अंकिता थापा र तेस्रो संस्करणमा लिजा थापा विजेता भएकी थिईन । सेमीफाईनल चरणमा अनु रजक र अनु गुरुङ जज रहेका थिए ।

The post रुपन्देही डान्स स्टार चौथो संस्करणको फाईनल राउण्डमा २० प्रतियोगीहरु पुगे first appeared on You TV Nepal.

The post ‘अनारवति’ले मैथिली लोकसंस्कृतिको परम्परागत पक्षलाई फोक-ईडीएम शैलीमा प्रस्तुत गर्दै संगीतमा नयाँ स्वाद थपेको छ first appeared on You TV Nepal.

यस खण्डअन्तर्गत बेँसीसहर नगरपालिका–६ खरखरे भिर, मर्स्याङ्दी गाउँपालिकाको सिम्पानी आँगेलगायतका स्थानमा सडक अवरुद्ध भएको डुम्रे–बेँसीसहर–चामे सडक योजना कार्यालय लमजुङका सूचना अधिकारी एवं इञ्जीनियर पुरुषोत्तम अधिकारीले बताए।

 खरखरेमा सडक भासिनुको साथै सडकमाथिबाट ठूला–ठूला ढुङ्गा, माटोसहितको पहिरोले सडक अवरुद्ध भएको छ।

यस्तै यस सडकखण्डका विभिन्न स्थानमा सडकमाथिबाट पहिरो आउँदा सडक अवरुद्ध भइरहेको स्थानीयबासीको भनाइ छ। यी स्थानको अवरुद्ध सडक खुलाउनका लागि स्काभेटर प्रयोग भइरहेको इञ्जीनियर अधिकारीको भनाइ छ।

यस सडकमा बर्सेनि पहिराले पटक–पटक सडक अवरुद्ध हुँदा यात्रुले सास्ती भोग्दै आएका छन्।

The post पहिरोले बेसिशहर चामे सडक अवरुद्ध first appeared on You TV Nepal.

जिल्ला प्रहरी कार्यालयबाट खटिएको टोलीले शेरा स्थित पर्शुराम गुरुङको रेष्टुरेन्टमा बेलुकी ५ बजे हारजितको बाजी राख्दै जुवा (तास) खेल्दै गरेका ७ जना जुवाडे सहित सो नगद र १ सय ५२ पत्ति तास बरामद गरेको हो ।

पक्राउ पर्नेमा दोर्दी गापाकै लिल बहादुर गुरुङ, राम अधिकारी, निल बहादुर गुरुङ, प्रेम कुमार राना, केश राना, कुमार गुरुङ र घरधनी पर्शुराम गुरुङ रहेका छन् । उनीहरुले मोवाईल बैँकिङ मार्फत रकम भुक्तानी गरेको भेटिएको प्रहरी निरीक्षक जगदिश रेग्मीले बताए । उनका अनुसार जिल्ला प्रशासन कार्यालय लमजुङबाट जुवा सम्बन्धी कसूरमा म्याद थप लिइ अनुसन्धान अघि बढ्नेछ ।

The post लमजुङमा जुवातास खेल्दै गरेका सातजना पक्राउ first appeared on You TV Nepal.

वडा नं. ९ र १० लाई जोड्ने गरी निमार्ण गरिएको साइकल ट्रेल तथा पदमार्गको औपचारिक उद्घाटन गरिएको छ । आन्तरिक तथा बाह्य पर्यटक  प्रवर्द्धनका निम्ती आकर्षण थप्दै  साइकल यात्रा सहित नगरप्रमुख खड्ग बहादुर गुरुङले उक्त साईकल ट्रेलको उद्घाटन गरेका हुन् ।

साइकल ट्रेल औपचारिक उद्घाटनका अवसरमा लमजुङ र अन्यत्र जिल्लाका गरी २१ जनाले साईकल यात्रा गरेका थिए । साइकल यात्रीहरुले राईनास वडा नं. १० को प्यारजुंग भन्ज्याङदेखि जोगिगुफा, साल्मेकोट लामागाउँ, गोरखनाथ मन्दिर, कोकेगाउ, घुरसापे, दरबारगढी, पात्लेपानी, राइनासकोट हुदै सिद्ध गुफा भएर भक्ति थापा पार्क मोहोरियाकोट सम्म साइकल यात्रा गरेका थिए । 

राइनासको पर्यटन प्रवद्र्धनमा थप टेवा पु¥याउने लक्ष्य सहित नगरपालिकाले भक्तिपार्क देखि प्यारजुङ भञ्ज्याङ सम्म साइकल ट्रेल तथा पदमार्ग निर्माण गरेको हो । उक्त ट्रेल तथा पदमार्ग निर्माणलाई चालु आर्थिक वर्षको गौरवको योजनाको रुपमा लिइएको छ ।

राइनास नगरपालिका वडा नं. ९  को १० लाख र वडा नं १० को ६ लाख गरि १६ लाख रुपैयाको लागतमा ट्रेल तथा पदमार्ग निर्माण भएको हो । साइकल ट्रेल र पदमार्ग निमार्णमा स्थानियको १० प्रतिशत जनश्रमदान रहेको छ । सो क्षेत्रका धार्मीक, पर्यटकीय तथा ऐतिहासीक स्थलहरुको प्रवर्दन तथा संरक्षणका निम्ति ट्रेल तथा पदमार्ग निर्माण गरिएको राईनास नगरपालिका प्रमुख खड्गबहादुर गुरुङले बताए।

साइकल ट्रेल र पदमार्ग निमार्ण समितिका अध्यक्ष धुव्र गुरुङले लमजुङमा पर्यटन प्रवद्र्धनमा नयाँ कामको थालनी भएको भन्दै यसले राइनासको मात्र नभई सिंगो लमजुङको पर्यटनमा प्रवद्र्धन हुने बताए । 

राइनास ९ को भक्ती थापा पार्क देखि, राइनासकोट, हुँदै वडा नं १० को पात्लेपानी ऐतिहासीक दरबार, कोकोगाउँको गोरखनाथ मन्दिर, लामा गाउँको साल्मेकोट जोगी गुफा, क्याभ्रे भञ्ज्याङ हुँदै प्यारजुङ भञ्ज्याङ सम्म करिव ६ किलोमिटर साइकल ट्रेल तथा पदमार्ग निर्माण गरिएको नगरपालिकाले जनाएको छ ।

The post पर्यटन प्रवर्द्धन गर्न राइनासमा साइकल ट्रेल निर्माण first appeared on You TV Nepal.

चालु आर्थिक वर्ष ०७९/०८० को सर्सत कार्यक्रम अन्र्तगत जेठ १ गतेबाट पालिकाभित्रका ९ वटा सामुदायिक माध्यमिक विद्यालयहरुमा दिवा खाजा कार्यक्रम सञ्चालन गरिएको कृषि अधिकृत रुकमिनी खत्रीले वताए । उनका अनुसार उक्त कार्यक्रम असार महिनाभर सञ्चालन हुनेछ । 

कार्यक्रम अन्र्तगत शाखाले नौवटा विद्यालयका कक्षा ७, ८, ९ र १० का करिव ८ सय ९८ जना विद्यार्थीलाई दिवा खाजाको व्यवस्था गर्दै आएको छ ।  स्थानीय किसानले स्थानीय स्तरमै उत्पादन गरेको कृषि उपज  तथा रैथान बालीहरु कोदो, फापर, भट्मास, लोकल बोडी, मकै लगायतबाट बनेका परिकार नै दिवा खाजाको रुपमा प्रयोगमा ल्याइएको छ ।  

रैथाने बालीको प्रवर्द्धन, बालबालिकाको खाद्य, पोषण र सुरक्षामा सहयोग पुग्ने उदेश्यले जैविक विविधता संरक्षण कार्यक्रम अन्र्तगत विद्यालय दिवा खाजा कार्यक्रम सञ्चालन गरिएको  हो । 

कुल १५ लाख बजेटको उक्त कार्यक्रममा दिवा खाजाका लागि मात्र ४ लाख ४ हजार १ सय बजेट रहेको छ ।

The post मर्स्याङ्दी गाउँपालिकामा रैथाने खाद्यान्नमा आधारित विद्यालय दिवा खाजा सञ्चालन first appeared on You TV Nepal.

पछिल्लो समय विकास र संमृद्धिको नाममा बाटोको छेउ छाउमा पर्ने चौताराहरु मास्ने क्रम बढ्दो रहेको र भएका केहि चौतारा पनि जीर्ण अवस्थामा रहेकाले अभियान नै सञ्चालन गरी चौतारा संरक्षण तथा सरसफाईमा युवाहरु जुटेको राइनास ८ का स्थानीय युवा प्रकाश श्रेष्ठले बताए । 

वडाका करिब २० जना युवाहरुको सक्रियतामा अभियान सुरु गरिएको हो । युवाहरूले चौतारा वरिपरीको झाडी फाड्ने, भत्किएको भएमा सोको मर्मत गर्ने गर्दछन् ।  अभियानमा तार्कुघाट प्रहरी चौकीका इञ्जार्ज तथा सुरक्षाकर्मीहरुले पनि साथ र सहयोग गरेको स्थानीय युवाहरुले बताएका छन् । युवाहरुले सम्पदा संरक्षणको यस अभियानमा सवैले साथ र सहयोग गर्न सामाजिक सञ्जाल मार्फत आव्हान समेत गरेका छन् । 

वातावरण एवम् पर्यावरणको सुन्दरतालाई कायम राख्न र शितल छहारीका लागि पनि चौतारा आवश्यक पर्ने भएकाले युवाहरुले सुरु गरेको अभियानमा सबैले हातेमालो गर्नपर्ने स्थानीय पूर्व शिक्षक चिज कुमार श्रेष्ठ बताउछन्  । 

यहि महिनाबाट सुरु भएको अभियान अन्र्तगत हालसम्म वडाभित्र विभिन्न टोलमा रहेका करिव १५ वटा चौतारा सरसफाई गरिएको प्रकाश श्रेष्ठले जानकारी दिए । कतिपय चौतारा जिर्ण अवस्थामा रहेकाले सोको मर्मत गर्नपर्ने युवाहरुले वताएका छन् ।

अभियानको सुरुमा वडाभित्रका सवै चौतारा र वरिपरी सरसफाई गरिने भएको छ । विभिन्न स्थानमा रहेका चौतारो लागि सम्वन्धीत टोलका स्थानीयहरुले संरक्षण जिम्मा लिनपर्ने भएपनि स्थानीयले खासै ध्यान नदिँदा जीर्ण अवस्थामा पुगेको युवाहरुको भनाई छ । 

The post चौतारा संरक्षणमा राइनासका युवा first appeared on You TV Nepal.