आज सुनचाँदीको मुल्य ओरालो लाग्यो

काठमाडौँ । चैत ६ गते
आज नेपाली सुनचाँदी बजारमा सुनको मुल्यमा गिरावट आएको छ । आज सुनको मुल्य तोलामा छ सय रुपैयाँले घटेको नेपाल सुनचाँदी व्यवसायी महासंघले जनाएको छ । महासंघका अनुसार आज छापावाल सुनको मुल्य तोलाको ९९ हजार दुई सय रुपैयाँ कायम गरिएको छ । शुक्रबार सुन तोलाको ९९ हजार आठ सय रुपैयाँमा कारोबार भएको थियो ।

आज तेजावी सुनको मुल्य तोलाको ९८ हजार सात सय रुपैयाँ निर्धारण गरिएको छ । त्यस्तै आज चाँदीको मुल्य भने प्रतितोलमा १० रुपैयाँले घटेको छ । शुक्रबार एक हजार तिन सय ८५ रुपैयाँमा कारोबार भएको चाँदीको मूल्य आज एक हजार तिन सय ७५ रुपैयाँ तोकिएको छ ।